អំឡុងឆ្នាំ២០២៤ កំពង់ផែស្វ័យតភ្នំពេញ មានបរិមាណទំនិញ និងប្រេងឥន្ធនៈឆ្លងកាត់ជិត ៥លានតោន(៤ ៨០៦ ៦៥៤ តោន) កើនឡើងជិត១៦% ខណៈឆ្នាំ២០២៣ មានចំនួន៤ ១៤៦ ៧៨៦តោន ចំណែកបរិមាណកុងតឺនរ័ឆ្លងកាត់មាន ៤៨០ ២០០ ធីអ៊ីយូ កើនជាង២១% ធៀបនឹងឆ្នាំ២០២៣ ដែលមាន ៣៩៦ ២២៥ ធីអ៊ីយូ។ នេះបើយោងតាមសេចក្តីប្រកាសរបស់កំពង់ផែស្វ័យតភ្នំពេញ នៅថ្ងៃទី១៧ ខែមករា ឆ្នាំ២០២៥ ។
របាយការណ៍ដដែល បានឱ្យដឹងទៀតថា ចំពោះបរិមាណនាវាសរុបមាន៤៨៩៤គ្រឿង កើនឡើងជាង២៦,២% ធៀបនឹងឆ្នាំ២០២៣ មាន៣៨៥៩គ្រឿង រីឯបរិមាណនាវាដឹកអ្នកដំណើរឆ្លងកាត់មានចំនួន ៧០៨ កើនឡើងជាង២២៤,៨៧% ធៀបនឹងឆ្នាំ២០២៣ដែលមាន៥៦៧គ្រឿង និង ចំនួនអ្នកដំណើរឆ្លងកាត់មាន ៣៦១៥០នាក់ កើនឡើងប្រមាណ៤៣,៧៣% ធៀបនឹងឆ្នាំ២០២៣ ដែលមាន២៥១៥២ គ្រឿង។
ដោយឡែកសម្រាប់ខែធ្នូ ឆ្នាំ២០២៤ វិញ កំពង់ផែស្វយ័តភ្នំពេញ មានបរិមាណទំនិញ និងប្រេងឥន្ធនៈឆ្លងកាត់៤៤០ ០៦៥តោន ធៀបនឹងខែវិច្ឆិកា ឆ្នាំ២០២៣ មានចំនួន៣៨២ ៨៥៦តោន កើនជិត១៥ភាគរយ និងបរិមាណកុងតឺនរ័ឆ្លងកាត់មាន ៤៣ ៣៦១ ធីអ៊ីយូ កើនជាង២៦% បរិមាណនាវាសរុបមានចំនួន ២៥០ គ្រឿង កើនឡើងជាង១៣% និង ចំនួនអ្នកដំណើរឆ្លងកាត់មាន ៣៣០០ នាក់កើនឡើងជិត១៧ភាគរយ%៕
