បង្កើតឡើងនៅក្នុងប្រទេសកម្ពុជាជាង ១០ឆ្នាំ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី នៅដើមខែកុម្ភៈ ឆ្នាំ២០២៥នេះ បានសម្រេចនូវភាពជោគជ័យរបស់ខ្លួនមួយកម្រិតបន្ថែមទៀត ជាមួយនឹងអតិថិជនបានហក់កើនលើសពី ១៨ ០០០នាក់ និងផលប័ត្រឥណទានបានកើនច្រើនជាង ៣០លានដុល្លារ។
គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានកំពុងផ្តល់សេវាកម្មហិរញ្ញវត្ថុ សោយផ្តោតសំខាន់លើឥណទានម៉ូតូ ដែលជាមធ្យោបាយ និងជាតម្រូវការចាំបាច់សម្រាប់ប្រជាពលរដ្ឋក្នុងជីវភាពប្រចាំថ្ងៃ ហើយលើសពីនេះ គ្រឹះស្ថានក៏បានកំពុងផ្តល់ជាប្រាក់កម្ចីនៃប្រភពទុនសម្រាប់អតិថិជន ដើម្បីពង្រីកមុខរបរ និងធ្វើឱ្យជីវភាពកាន់តែល្អប្រសើរឡើងជាងមុនផងដែរ។ ទាំងនេះគឺជាផ្នែកមួយដ៏សំខាន់ ដែលគ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន បានធ្វើ កំពុងធ្វើ និងបន្តធ្វើឱ្យកាន់តែល្អឡើងនូវសេវាកម្មហិរញ្ញវត្ថុ ដើម្បីចូលរួមអភិវឌ្ឍប្រទេសកម្ពុជា។
សូមជម្រាបថា ប៊ែមប៊ូ ហ្វាយនែន ភីអិលស៊ី ត្រូវបានបង្កើតឡើងនៅក្នុងប្រទេសកម្ពុជា នៅថ្ងៃទី២២ ខែមីនា ឆ្នាំ២០១៥ ក្នុងគោលបំណងដើម្បីក្លាយជាស្ថាប័នមីក្រូហិរញ្ញវត្ថុឈានមុខគេមួយនៅក្នុងប្រទេសកម្ពុជា ដែលមានការិយាល័យនៅក្នុងខេត្តចំនួនបី។ ម្យ៉ាងវិញទៀត ប៊ែមប៊ូ ត្រូវបានទទួលស្គាល់ជាផ្លូវការដោយធនាគារជាតិនៃកម្ពុជា ដោយទទួលបានអាជ្ញាប័ណ្ណជាផ្លូវការនៅថ្ងៃទី0៧ ខែឧសភា ឆ្នាំ២០១៥៕
