អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប ដែលរកស៊ីលើពហុវិស័យនៅកម្ពុជា មានទ្រព្យសម្បត្តិយ៉ាងច្រើនមហាសាល ក្លាយជាមហាសេដ្ឋីមួយរូប មានកេរ្តិ៍ឈ្មោះ និងត្រូវបានទទួលស្គាល់ថាជាបុគ្គលជោគជ័យមិនថា អាជីវកម្ម ឬជីវិតគ្រួសារ។ តាមការចែករំលែកលើផេកផ្លូវការ អ្នកឧកញ៉ារូបនេះ បានបង្ហើបប្រាប់ពីគន្លឹះសម្ងាត់ចំនួន ៤ចំណុច ដែលអាចជួយបង្កើនទ្រព្យសម្បត្តិ ប្រៀបប្រដូចនឹងការត្រងទឹកភ្លៀង យកមកសន្សំទុកដាក់សម្រាប់ប្រើប្រាស់រាប់ខែរាប់ឆ្នាំអញ្ចឹង។
អ្នកឧកញ៉ាលើកឡើងថា ៖ សូមស្រមៃថា ប្រាក់របស់អ្នកគឺដូចជាតំណក់ភ្លៀង ហើយការងាររបស់អ្នកគឺត្រងតំណក់ភ្លៀងដាក់ធុង។ ប្រសិនបើអ្នកធ្វើឲ្យទឹកភ្លៀងកំពប់ ឬប្រើវាទាំងអស់ក្នុងពេលតែមួយ ធុងទឹកនោះនឹងទទេ។ ប៉ុន្តែប្រសិនបើអ្នកសន្សំដំណក់ទឹកឲ្យបានគ្រប់គ្រាន់ អ្នកអាចបំពេញធុងជាច្រើន និងមានទឹកច្រើននៅពេលអាកាសធាតុក្តៅ។
១. ជ្រើសរើសធុងទឹកឱ្យបានត្រឹមត្រូវ (រៀបចំផែនការថវិការបស់អ្នក)
២. ឈប់ចាយវាយប្រាក់កាសខ្ជះខ្ជាយ ឬពុំចាំបាច់ (យកចិត្តទុកដាក់លើចំណាយរបស់អ្នក)
៣. រក្សាធុងបន្ថែមសម្រាប់អាកាសធាតុក្តៅខ្លាំង (បង្កើតមូលនិធិសង្គ្រោះបន្ទាន់)
៤. ប្រើទឹកភ្លៀងដើម្បីបង្កើតទឹកបន្ថែម (វិនិយោគ)
មិនថាការសន្សំប្រាក់បន្តិចបន្តួច ឬការវិនិយោគតិចតួច វានឹងធ្វើឱ្យប្រាក់អ្នកកើនទ្បើងទៅតាមពេលវេលា។ “ទង្វើតូចមួយជាប្រចាំថ្ងៃបែបនេះនឹងផ្តល់លទ្ធផលគាប់ចិត្តដល់អ្នកទៅអនាគត”។ សូមចាប់ផ្តើមសន្សំប្រាក់ទោះតិចតួចក្តី ហើយឈប់ចាយវាយខ្ជះខ្ជាយ។ អ្នកនឹងមើលឃើញឱកាសដែលធ្វើឱ្យអ្នកមានវឌ្ឍនភាពផ្នែកហិរញ្ញវត្ថុ៕
“តក់ៗពេញបំពង់”
