ភ្នំពេញ ៖ ធនាគារ មេយប៊ែង ខេមបូឌា ដែលជាគ្រឹះ ស្ថានហិរញ្ញវត្ថុឈានមុខមួយក្នុងប្រទេសកម្ពុជា បានចុះអនុស្សរណៈយោគយល់មួយជាមួយក្រុមហ៊ុន ខៀវ អូតូ ខូអិលធីឌី ផ្ដល់ហិរញ្ញប្បទានជូនអតិថិជនទិញរថយន្តអគ្គិសនីពីក្រុមហ៊ុន BYD ។ ការចុះអនុស្សារណៈនៃការយោគយល់គ្នា ប្រារព្ធឡើងនៅសាលតាំងបង្ហាញរថយន្ត BYD សាខាមហាវិថីព្រះមុនីវង្ស កាលពីថ្ងៃទី២៩ មីនា ២០២៤ ។
យោងតាមសេចក្ដីប្រកាសព័ត៌មានរបស់ធនាគារមេប៊ែងបានឱ្យដឹងថា កិច្ចសហប្រតិបត្តិការជាយុទ្ធសាស្ត្រក្នុងការផ្តល់ហិរញ្ញប្បទានពិសេសសម្រាប់រថយន្តអគ្គិសនីរវាងក្រុមហ៊ុនទាំងពីរនេះ មានគោលបំណងបង្កើនលទ្ធភាព និងភាពងាយស្រួលដល់ អ្នកប្រើប្រាស់រថយន្តនៅប្រទេសកម្ពុជា ក្នុងការប្តូរមកប្រើប្រាស់រថយន្តថាមពលដោយ អគ្គិសនីដែលផ្តល់នូវផលវិជ្ជមានដល់បរិស្ថាន ។ ក្រោមកិច្ចសហការជាដៃគូនេះ អតិថិជនមាន លទ្ធភាពទិញរថយន្ត BYD ថ្មីសន្លាងជាមួយនឹងការបង់ប្រាក់ដំបូងត្រឹម ៣០% និងអាចបង់បន្ត នូវទឹកប្រាក់ដែលនៅសល់ជាមួយនឹងជម្រើសហិរញ្ញប្បទានជាមួយនឹងធនាគារ មេយប៊ែង ។
លើសពីនេះទៅទៀត អតិថិជនដែលចាប់អារម្មណ៍លើរថយន្ត BYD នឹងចំណេញពីកម្ម វិធីហិរញ្ញប្បទានពិសេសសម្រាប់កម្ចីរថយន្តអគ្គិសនីពីធនាគារ មេយប៊ែង ចាប់ពីថ្ងៃនេះរហូត ដល់ខែកញ្ញា ឆ្នាំ ២០២៤ ស្របទៅនឹងកំណើនតម្រូវការរបស់អតិថិជនក្នុងស្រុក ។ អំឡុង ពេលនៃកម្មវិធីផ្តល់ជូនពិសេសនេះ អតិថិជននឹងរីករាយជាមួយនឹងអត្រាការប្រាក់ត្រឹមតែ ៩% ប៉ុណ្ណោះក្នុងមួយឆ្នាំ ដែលទាបជាងបើធៀបទៅនឹងកម្ចីរថយន្តសាំង ឬម៉ាស៊ូត រីឯរយៈពេល កម្ចីអាចបត់បែនបានរហូតដល់ ៧ ឆ្នាំ ។
លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេសរបស់ធនាគារ មេយប៊ែង ខេមបូឌា បានសង្កត់ធ្ងន់លើការយកចិត្តទុកដាក់របស់ធនាគារចំពោះចីរភាព ដោយលោកបាន មានប្រសាសន៍ថា «នៅធនាគារ មេយប៊ែង ពាក្យចីរភាពមិនគ្រាន់តែជាពាក្យដែលយើង និយាយដដែលៗនោះទេ ធាតុពិតវាជាស្នូលចម្បងមួយនៃយុទ្ធសាស្ត្ររបស់យើង និងអ្វីដែល យើងកំពុងអនុវត្តឥឡូវនេះ ។ ជាក់ស្តែង យើងមានយុទ្ធសាស្ត្រជាក់លាក់ដែលផ្តោតទៅលើ ការបង្កើនហិរញ្ញប្បទានបៃតងឱ្យស្របទៅនឹងការបន្តប្តេជ្ញាចិត្តរបស់យើងចំពោះអនៅក្នុងឆ្នាំ ២០២៣ ធនាគារ មេយប៊ែង ខេមបូឌា បានផ្តល់កម្ចីប្រមាណ ៤៦,១៩ លាន ដុល្លារអាមេរិក ក្រោមហិរញ្ញប្បទានប្រកបចីរភាព ដែលនេះបានឆ្លុះបញ្ចាំងនូវការចូលរួមយ៉ាង សកម្មរបស់ខ្លួនក្នុងការជម្រុញការផ្តួចផ្តើមនានាដែលគាំទ្រដល់បរិស្ថាន សង្គម និងអភិបាល កិច្ចល្អ (ESG) ។
លោកបន្តថា ក្នុងនាមជាស្ថាប័នឯកជនមួយ យើងគាំទ្រ និងរួមចំណែកយ៉ាងពេញទំហឹងចំពោះផែនការយុទ្ធសាស្ត្ររបស់រដ្ឋាភិបាលកម្ពុជា ក្នុងការ ជំរុញកំណើនការប្រើប្រាស់យានយន្តអគ្គិសនីនៅកម្ពុជា ដោយមើលឃើញថា វាជាជំហានដ៏ សំខាន់ក្នុងការឆ្ពោះទៅរកអនាគតដ៏ត្រចះត្រចង់ និងពណ៌បៃតង ។ តួនាទីរបស់យើង ក្នុងនាម ជាគ្រឹះស្ថានហិរញ្ញវត្ថុគឺ ដើម្បីធានាថា ការផ្លាស់ប្តូរទៅកាន់យុគសម័យរថយន្តអគ្គិសនី គឺមាន ភាពងាយស្រួល និងរលូន ។
លោកឧកញ៉ា លឹម កុកឡុង នាយកប្រតិបត្តិនៃក្រុមហ៊ុន ខៀវ អូតូ ខូអិលធីឌី បាន បង្ហាញភាពវិជ្ជមានចំពោះភាពជាដៃគូនេះ ថានឹងជំរុញឱ្យមានកំណើននៃការទទួលយក រថយន្ត BYD ក្នុងប្រទេសកម្ពុជា ដោយលោកបានលើកឡើងថា «យើងពិតជាមានក្តី សោមនស្សជាខ្លាំងចំពោះភាពជាដៃគូនេះ ហើយយើងជឿជាក់ថា វានឹងជំរុញឱ្យមានការ ផ្លាស់ប្តូរជាវិជ្ជមាន ក្នុងវិស័យយានយន្តនៅប្រទេសកម្ពុជា ជាពិសេសគឺភាពវិជ្ជមានចំពោះ បរិស្ថាន» ។
លោកបានបន្ថែមថា តាមរយៈការផ្តល់ជាជម្រើសសម្រាប់អតិថិជននូវហិរញ្ញ ប្បទានពិសេស និងមានភាពបត់បែន យើងសង្ឃឹមថា វានឹងជំរុញឱ្យប្រជាជនកម្ពុជាកាន់តែ បើកចិត្តទទួលយករថយន្តដែលផ្តល់ផលល្អដល់បរិស្ថាន ខណៈដែលតម្លៃរបស់វាក៏កាន់តែ សមរម្យជាងមុន ៕
