ភ្នំពេញ ៖ ភ្នំពេញ ជាតំបន់ដែលមានប្រជាជនខ្ចីលុយពីធនាគារ ឬមីក្រូហិរញ្ញវត្ថុច្រើនជាងគេ ក្នុងចំណោមប្រជាជនទូទាំងប្រទេស ដោយគិតត្រឹមដំណាច់ឆ្នាំ ២០២៣ ប្រជាជនក្នុងរាជធានីភ្នំពេញ ចំនួន ៦៧ម៉ឺន៦ ពាន់នាក់បាននិងកំពុងជំពាក់លុយធនាគារឬមីក្រូហិរញ្ញវត្ថុសរុបចំនួន២៨,៥ពាន់លានដុល្លារអាមេរិក ។ នេះបើតាមរបាយការណ៍របស់ការិយាល័យឥណទានកម្ពុជា ( CBC ) ចេញផ្សាយនៅពេលថ្មីៗនេះ ។
បើតាមរបាយការណ៍បានបង្ហាញថា តំបន់ដែលមានពលរដ្ឋខ្ចីលុយច្រើនបន្ទាប់ពីរាជធានីភ្នំពេញ មានខេត្តកណ្ដាលដែលមានអ្នកខ្ចីចំនួន៣៨ម៉ឺន៤ពាន់នាក់ និងមានទំហំឥណទានចំនួន៣ពាន់លានដុល្លារអាមេរិក និងខេត្តសៀមរាបមានអ្នកខ្ចីចំនួន៣២ម៉ឺន៥ពាន់នាក់ ជាមួយនឹងទំហំឥណទានប្រមាណ៤,៦ភាគរយនៃទំហំឥណទានសរុប។
ខេត្តដែលមានពលរដ្ឋខ្ចីលុយតិចជាងគេក្នុងចំណោមបណ្ដាខេត្តទូទាំងប្រទេសមានខេត្តកែប ប៉ៃលិន និងខេត្តមណ្ឌលគីរី ៕
