តាមការបង្ហោះលើផេកហ្វែសប៊ុកផ្លូវការរបស់ធនាគារ អេស៊ីលីដា ភីអិលស៊ី នៅថ្ងៃទី១៣ ខែមករា ឆ្នាំ២០២៥ បានបញ្ជាក់ថា ក្នុងឱកាសឆ្នាំថ្មីប្រពៃណីចិនខាងមុខ! ធនាគាររបស់ខ្លួន នឹងមានការចែកចែកអាំងប៉ាវដល់អតិថិជនរបស់ខ្លួនក្នុងម្នាក់ៗ ១៦៨ដុល្លារ ចំនួន ៥០នាក់ ទូទាំងប្រទេស ដែលប្រើអេស៊ីស៊ូភើអេប ទូទាត់ប្រាក់តាម “អេស៊ីលីដា KHQR” នៅតាមទីតាំងអាជីវកម្មនានា បានជាច្រើនកន្លែងជាងគេ។
តាមការប្រកាសនោះ ធនាគារ អេស៊ីលីដា បានបញ្ជាក់លម្អិតលើលក្ខណៈបន្ថែមទៀតថា ការផ្តល់ជូននេះគឺចាប់ពីថ្ងៃទី១៤ ដល់ថ្ងៃទី២៨ ខែមករា ឆ្នាំ២០២៥ ដោយតម្រូវឲ្យអតិថិជនស្គេនទូទាត់ចាប់ពី ២០,០០០រៀល ឬ ៥ដុល្លារឡើងទៅក្នុងមួយប្រតិបត្តិការ។ ជាមួយគ្នានោះ ក្នុងកុងគណនីវ៉លឡេតរបស់អតិថិជន ក៏ត្រូវមានទឹកប្រាក់ចាប់ពី ៦៧២,០០០រៀល ឬ ១៦៨ដុល្លារឡើងទៅផងដែរ ដោយលោកអ្នកនឹងទទួលបានអាំងប៉ាវនេះ ក្នុងអំឡុងថ្ងៃចូលឆ្នាំចិនផ្ទាល់តែម្តង។
សូមជម្រាបថា ធនាគារ អេស៊ីលីដា ភីអិលស៊ី ជាក្រុមហ៊ុនដែលបានបង្កើតឡើង តាមប្រព័ន្ធច្បាប់គ្រឹះស្ថានធនាគារ និងហិរញ្ញវត្ថុនៃព្រះរាជាណាចក្រកម្ពុជា ។ ធនាគារ អេស៊ីលីដា បានចាប់បដិសន្ឋិឡើងនៅក្នុងខែមករា ឆ្នាំ១៩៩៣ ក្នុងនាមជាអង្គការក្រៅរដ្ឋាភិបាលមួយ ដែលមានទិសដៅអភិវឌ្ឍន៍មុខរបរខ្នាតតូចបំផុត និងខ្នាតតូច តាមរយៈការផ្តល់ឥណទាន៕
