គណនីអាពាហ៍ពិពាហ៍ របស់ធនាគារ កាណាឌីយ៉ា ត្រូវបានផ្តល់ជូនយ៉ាងពិសេសសម្រាប់អតិថិជនជាគូស្នេហ៍ ដែលកំពុងមានបំណងសន្សំប្រាក់ចូលស្តីដណ្តឹង និងរៀបចំអាពាហ៍ពិពាហ៍ ដោយផ្តល់ជូននូវលក្ខណ្ឌ និងអត្ថប្រយោជន៍ពិសេសៗជាច្រើនពីក្រុមហ៊ុន Canadia Group និងដៃគូ។
បើតាមការឲ្យដឹងពីធនាគារ កាណាឌីយ៉ា គណនីអាពាហ៍ពិពាហ៍នេះ ផ្តល់ជូនទៅបុគ្គលដែលមានអាយុយ៉ាងហោចណាស់ ១៨ឆ្នាំ ទាំងខ្មែរ និងបរទេស។ សម្រាប់អត្រាការប្រាក់ប្រចាំឆ្នាំ តិចជាង ឬស្មើរ ៥ ០០០ដុល្លារ ទទួលបានអត្រាការប្រាក់១.៨៨% ខណៈសន្សំលើសពី ៥ ០០០ដុល្លារទទួលបានអត្រាការប្រាក់២.៨៨% ហើយការទូទាត់ជារៀងរាល់ខែ (ចុងខែ) តែក៏ត្រូវដាក់ប្រាក់បញ្ញើដំបូង ៥០ដុល្លារផងដែរ។
ទន្ទឹមនឹងនោះ ចំពោះការដាក់ប្រាក់គឺឥតកំណត់ ក៏ប៉ុន្តែចំពោះការដកប្រាក់ឯណោះវិញ គឺត្រូវគោរពតាមលក្ខណ្ឌខាងក្រោម៖
- មិនគិតថ្លៃសេវា សម្រាប់ការដកប្រាក់រហូតដល់ពីរដង ក្នុងមួយខែ។
- ០.១% ឬអប្បបរមា ១០ដុល្លារអាមេរិក សម្រាប់ការដកប្រាក់លើសចំនួនកំណត់ម្តង។
- ១% ឬ ៤០ ០០០ម៉ឺនរៀល ចំពោះការដកប្រាក់លើសពីរដងក្នុងមួយខែ។
ចំពោះអត្ថប្រយោជន៍ដែលនឹងទទួលបានផ្សេងទៀតពីគម្រោងនេះរួមមាន រីករាយជាមួយកញ្ចប់ថតរូបសម្រាប់អាពាហ៍ពិពាហ៍។ ផ្តល់ជូនប័ណ្ណឥណទានរហូតដល់៨០% នៃសមតុល្យប្រាក់បញ្ញើ។ ទទួលបានការធានារ៉ាប់រងបន្ថែមជាមួយនឹងចំនួនទឹកប្រាក់សរុបរហូតដល់ ៥ ០០០ដុល្លារ (សម្រាប់តុល្យដំបូង ≥ ៥០០ដុល្លារ)។ រីករាយនឹងកញ្ចប់អត្ថប្រយោជន៍រហូតដល់ ២ ៩៩៩ដុល្លារ។
សូមជម្រាបថា អត្រាការប្រាក់ និងលក្ខណ្ឌខាងលើអាចផ្លាស់ប្តូរតាមឆន្ទានុសិទ្ធិរបស់ធនាគារ ដោយមិនមានការជូនដំណឹងជាមុនដល់អតិថិជនឡើយ។ សម្រាប់ព័ត៌មានបន្ថែម សូមទៅកានសាខាធនាគារកាណឌីយ៉ា ដែលនៅជិតលោកអ្នកបំផុត ឬទូរសព្ទមកកាន់លេខ (+855) 23 868 222 ៕
