ធនាគារ ខេប៊ីប្រាសាក់ ម.ក បានឲ្យដឹងលើទំព័រហ្វែសប៊ុកផ្លូវការ នាថ្ងៃទី២ ខែមេសា ឆ្នាំ២០២៥ ដល់បណ្តាក្រុមហ៊ុន ឬជាងម៉ៅការសាងសង់ អំពីកម្មវិធីក្នុងការចូលរួមដេញថ្លៃលើគម្រោងសាងសង់ និងកែលម្អការិយាល័យ នៅសាខាខេត្តកំពង់ចាម ដែលមានអាសយដ្ឋានស្ថិតនៅផ្លូវជាតិលេខ 7 ភូមិ 4 សង្កាត់វាលវង់ ក្រុងកំពង់ចាម ខេត្តកំពង់ចាម។
ដើម្បីអាចចូលរួមក្នុងការដេញថ្លៃនោះ ធនាគារ ខេប៊ីប្រាសាក់ បានដាក់លក្ខណ្ឌចំពោះបណ្តាក្រុមហ៊ុន ឬជាងម៉ៅការសាងសង់ បែបនេះថា៖
– ជាក្រុមហ៊ុន ឬឯកត្តបុគ្គល
– មានបទពិសោធន៍ក្នុងការសាងសង់ពាក់ព័ន្ធក្នុងវិស័យធនាគារ
– មានប្រវត្ដិល្អក្នុងការសាងសង់ (មិនមានបញ្ហា ឬភាពយឺតយ៉ាវ)
– មានបុគ្គលិកជំនាញគ្រប់គ្រាន់
– រយៈពេលសាងសង់ចំនួន ១០៥ថ្ងៃ រួមបញ្ចូលថ្ងៃបុណ្យជាតិ និងអន្តរជាតិ
សម្រាប់កាលបរិច្ឆេទនឹងផុតកំណត់ នៅថ្ងៃទី២៤ ខែមេសា ឆ្នាំ២០២៥ ហើយប្រសិនក្រុមហ៊ុន ឬឯកត្តបុគ្គល មានចំណាប់អារម្មណ៍ចង់ចូលរួមដេញថ្លៃគម្រោងនេះ សូមទំនាក់មកបុគ្គលិកទទួលបន្ទុក លោក ខាត់ ឌីម តាមរយៈលេខតេឡេក្រាម 015 416 725 ដើម្បីទទួលបានទម្រង់បែបបទ និងឯកសារដេញថ្លៃមានដូចជា គំនូសប្លង់ បញ្ជីសម្ភារៈដែលត្រូវប្រើប្រាស់ និងលក្ខខណ្ឌទូទាត់ចំណាយតាមដំណាក់កាលនីមួយៗនៃគម្រោងនេះ ។ សូមបញ្ជាក់ដែរថា ធនាគារ ខេប៊ីប្រាសាក់ ម.ក មិនទទួលយកឯកសារដេញថ្លៃ ដែលហួសពេលកំណត់ឡើយ។ ឯកសារដេញថ្លៃដែលបានផ្ញើមកហើយ មិនអាចប្រគល់ត្រឡប់វិញទេ៕
