បើតាម ព្រូដិនសល (ខេមបូឌា) បានបង្ហើបពីហេតុផល ៥ចំណុច ដែលអ្នកគួរតែប្រើប្រាស់សេវាធានារ៉ាប់រងអាយុជីវិត ដោយក្នុងនោះរួមមាន៖
1. សុវត្ថិភាពហិរញ្ញវត្ថុ៖ ត្រូវប្រាកដថាមនុស្សជាទីស្រលាញ់របស់អ្នកត្រូវបានការពារផ្នែកហិរញ្ញវត្ថុ ទោះបីជាអ្នកមិននៅក្បែរក៏ដោយ។
2. សន្តិភាពផ្លូវចិត្ត៖ ផ្តល់ឱ្យគ្រួសាររបស់អ្នកនូវសន្តិភាពផ្លូវចិត្តដោយដឹងថាអនាគតរបស់ពួកគេមានសុវត្ថិភាព។
3. ការការពារបំណុល៖ ការពារមនុស្សជាទីស្រលាញ់របស់អ្នកពីការទទួលបន្ទុកបំណុលរបស់អ្នក។
4. ផែនការអនាគត៖ ជួយលើផែនការគ្រួសាររបស់អ្នកសម្រាប់ព្រឹត្តិការណ៍សំខាន់ៗក្នុងជីវិត ដូចជាការអប់រំ និងអាពាហ៍ពិពាហ៍ជាដើម។
5. ការកសាងកេរ្តិ៍ដំណែល៖ បន្សល់ទុកនូវមរតកនៃសេចក្តីស្រឡាញ់ និងការយកចិត្តទុកដាក់ដ៏យូរអង្វែង។
សូមជម្រាបដែរថា ក្រុមហ៊ុន ព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ម.ក ហៅកាត់ថា ព្រូដិនសលកម្ពុជា បានចាប់ផ្តើមប្រតិបត្តិការរបស់ខ្លួននៅ ខែ មករា ឆ្នាំ ២០១៣។ តាមរយៈការផ្តល់ជូននូវដំណោះស្រាយនៃសេវាធានារ៉ាប់រងអាយុជីវិត ដែលស្របតាមតម្រូវការអតិថិជន និងគ្រួសារនីមួយៗ ព្រូដិនសលកម្ពុជា បាននឹងកំពុងជួយប្រជាជនកម្ពុជា ក្នុងការការពារ និងគ្រប់គ្រងហិរញ្ញវត្ថុសម្រាប់ថ្ងៃអនាគតរបស់ពួកគាត់៕
