គ្រឹះស្ថានមីក្រូហិរញ្ញវត្ថុ អេ អឹម ខេ បើកកិច្ចប្រជុំយុទ្ធសាស្ត្រថ្នាក់គ្រប់គ្រងប្រចាំឆ្នាំ២០២៥

កាលពីថ្ងៃទី១ ដើមខែកុម្ភៈ ឆ្នាំ២០២៥ នៅសណ្ឋាគារ សាន់&មូន រីវើរសាយ​ ថ្នាក់ដឹកនាំជាន់ខ្ពស់ ព្រមទាំងបុគ្គលិកគ្រប់ជាន់ថ្នាក់របស់គ្រឹះស្ថានមីក្រូហិរញ្ញវត្ថុ អេ អឹម ខេ ដែលជាគ្រឹះស្ថានមីក្រូហិរញ្ញវត្ថុឈានមុខមួយនៅកម្ពុជា បានរៀបចំកិច្ចប្រជុំយុទ្ធសាស្ត្រថ្នាក់គ្រប់គ្រងប្រចាំឆ្នាំ២០២៥ ដើម្បីបង្កើនការផ្តល់សេវាហិរញ្ញវត្ថុទៅកាន់អតិថិជនកាន់តែប្រសើរ។

ប្រធានបទនៃកិច្ចប្រជុំឆ្នាំនេះរបស់គ្រឹះស្ថានមីក្រូហិរញ្ញវត្ថុ អេ អឹម ខេ គឺ Break The Barrier ដែលឆ្លុះបញ្ចាំងពីការប្តេជ្ញាចិត្តរបស់យើង ក្នុងការជំនះរាល់បញ្ហាប្រឈម ដើម្បីសម្រេចបាននូវកំណើនជាវិជ្ជមាន និងផ្តល់នូវសេវាហិរញ្ញវត្ថុប្រកបដោយបរិយាបន្នជូនដល់អតិថិជនរបស់គ្រប់ស្រទាប់។

លើសពីកិច្ចប្រជុំ ក៏មានផងដែរនូវការរៀបចំពិធីជប់លៀងសាយ​ភោជន៍ ដើម្បីរឹតចំណងមិត្តភាព បង្កើនភាពស្និទ្ធស្នាលរវាងថ្នាក់ដឹកនាំគ្រប់ជាន់ថ្នាក់ ហើយកាន់តែពិសេសនោះគឺការប្រគល់ពានរង្វាន់ភក្តីភាពដល់បុគ្គលិកឆ្នើមរបស់គ្រឹះស្ថានមីក្រូហិរញ្ញវត្ថុ អេ អឹម ខេ ផងដែរ។

សូមជម្រាបថា គ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី មានប្រភពកើតចេញមកពីកម្មវិធីឥណទានខ្នាតតូច និងសន្សំរបស់អង្គការ ខុនស៊ើន វើលវ៉ាយ (Concern Worldwide)​ ដែលបានបង្កើតដំបូងក្នុងដើមឆ្នាំ ១៩៩០។​ គិតត្រឹមខែកញ្ញា ឆ្នាំ២០២៤ អេ អឹម ខេ មានអតិថិជនសរុបជិត ១ លាននាក់ ជាមួយនឹងការិយាល័យប្រតិបត្តិការចំនួន ១៤៣ កន្លែង និងភ្នាក់ងារជិត ៧,០០០កន្លែង នៅទូទាំងប្រទេស៕